اذان سمیع خان نے اپنے آنے والے البم اذان کا آفیشل ٹریلر جاری کر دیا ہے۔

آفیشل ٹریلر 47 سیکنڈز پر مشتمل ہے جو مداحوں کے لئے مجموعی طور میوزک ویڈیو کی ایک بہترین جھلک پیش کرتا ہے۔

البم کے سرورق اور گانوں کی فہرست کی ریلیز کے بعد 8 نئے گانوں کو پیش کرتے ہوئے اب مکمل البم کا ٹریلر جاری کردیا گیا ہے۔

ٹریلر میں اداکارہ صنم سعید، سائرہ یوسف اور عینا خان کی مختصر جھلکیاں بھی دکھائی گئی ہیں جبکہ ٹریلر میں اذان سمیع خان کے متعدد شیشوں میں جھانکتے ہوئے مناظر بھی شامل ہیں۔

اس میوزک البم کے ٹریلر کی ہدایتکاری اور پروڈکشن فلم والا پکچرز کے نبیل قریشی اور فضا علی مرزا نے کی ہے۔

یہ البم 30 اکتوبر 2023 کو تمام اسٹریمنگ پلیٹ فارمز پر ریلیز کیا جائے گا ۔