معروف ٹک ٹاکر جنت مرزا اس وقت جاپان میں چھٹیاں گزار رہی ہیں، ٹک ٹاکر نے جاپان میں گزارے گئے لمحات کو اپنے چاہنے والوں کے ساتھ شئیر کیا ہے۔
سوشل میڈیا انفلوئنسر نے اپنے سوشل میڈیا اکاؤنٹ انسٹاگرام پر جاپان میں ہائیکنگ کرتے وقت دلکش لمحات شیئر کیے ہیں۔
شئیر کی گئی انسٹا اسٹوریز میں جنت مرزا کو پہاڑوں پر چلتے ہوئے دیکھا جاسکتا ہے۔
انہوں نے اپنی بہن علیشبا انجم کے ہمراہ دن کی روشنی میں اس مشکل ترین سفر کا آغاز کیا تھا جو شام کو ان کی طے شدہ منزل پر پہنچ کر اختتام پذیر ہوا۔
اس سے قبل گزشتہ روز جنت مرزا نے بارش کی ایک دلکش ویڈیو بھی شیئر کی تھی، انہوں نے ویڈیو شئیر کرتے ہوئے لکھا کہ ’آپ شفایاب ہو رہے ہیں‘۔
جنت مرزا نے اپنے چاہنے والوں کیلئے جاپان سے خوبصورت سیاہ لمبے ٹاپ میں ملبوس خوبصورت تصاویر بھی شیئر کی تھیں۔
جنت مرزا پاکستان کی ٹاپ ٹک ٹاکر ہیں، ٹک ٹاک پر ان کے 23 ملین سے زائد فالوورز ہیں۔
فیصل آباد سے تعلق رکھنے والی جنت مرزا کے انسٹاگرام پر 4.8 ملین فالوورز ہیں، حال ہی میں ٹک ٹاکر نے اپنی 23ویں سالگرہ منائی ہے۔
