کراچی کی مقامی عدالت نے زیرحراست ملزم کو فرار کروانے کی کوشش کے مقدمے میں پاکستان تحریک انصاف سندھ کے صدر حلیم عادل شیخ کی ضمانت منظور کرلی۔
کراچی کے جوڈیشل مجسٹریٹ جنوبی نے زیر حراست ملزم کو فرار کروانے کی کوشش کے کیس میں حلیم عادل شیخ کی درخواست ضمانت پر سماعت کی۔
عدالت نے مختصر سماعت کے بعد حلیم عادل شیخ کی ضمانت منظور کرلی اور پی ٹی آئی سندھ کے صدر کو 50 ہزار کے ضمانتی مچلکے جمع کروانے کا حکم دے دیا۔
حلیم عادل شیخ کے خلاف تحریک انصاف کے رہنما حسان نیازی کی پیشی کے دوران فرار کروانے کی کوشش کا مقدمہ تھانہ سٹی کورٹ میں درج ہے۔
پولیس کے مطابق حلیم عادل شیخ نے حسان نیازی کو پولیس تحویل سے چھڑوایا اور فرار کروانے کی کوشش کی۔
حلیم عادل شیخ کیخلاف جعلسازی، دھمکانے کے مقدمے کی سماعتملتوی
تاہم حلیم عادل شیخ کے خلاف مبینہ ٹاؤن تھانے میں پولیس موبائل نذر آتش کرنے کا کیس تاحال زیر التوا ہے جس میں ان کی ضمانت نہیں ہوسکی ہے۔
