مشہور بالی ووڈ اسٹار شاہ رخ خان کو فلم ’پٹھان‘ اور ’جوان‘ بھاری پڑگئی، اداکار کو نئے سیکیورٹی خدشات کا سامنا ہے۔
اداکار نے اپنی دو فلموں کے باکس آفس ریکارڈ ٹوٹنے کے بعد پولیس اور مہاراشترا حکومت میں شکایت درج کروائی تھی۔
شکایت درج کروانے پر شاہ رخ خان کو ممبئی پولیس کی جانب سے وائی پلس سیکیورٹی فراہم کی گئی ہے، جس میں 6 مسلح سیکیورٹی اہلکار شامل ہیں، یہ پولیس اہلکار 24 گھنٹے اداکار کے ساتھ رہیں گے۔
یہ پہلا موقع نہیں ہے جب اداکار کو انڈر ورلڈ کی جانب سے جان سے مارنے کی دھمکی دی گئی ہے۔
فلم ساز سنجے گپتا کے مطابق اس سے قبل بھی بالی ووڈ اسٹار کو 90 کی دہائی میں انڈر ورلڈ ڈانز کی جانب سے غنڈہ گردی کا نشانہ بنایا گیا تھا۔
جس کا اداکار نے بہادری کا مظاہرہ کرتے ہوئے دوٹوک جواب دیا تھا کہ ’گولی مارنی ہے مار دو، پر تمہارے لیے کام نہیں کروں گا، میں پٹھان ہوں‘۔
شاہ رخ خان واحد اسٹار نہیں جنہیں ایسی جان سے مارنے کی دھمکیاں نہ ملی ہوں، جون میں گلوکار سدھو موسے والا کی موت کی ذمہ داری قبول کرنے والے گولڈی برار نامی ایک گینگسٹر نے انڈیا ٹوڈے کو بتایا تھا کہ وہ سلمان خان کو بھی قتل کرنے کا ارادہ کھتے ہیں۔
اس سے قبل سوندی برار، جو ستیندرجیت سنگھ کے نام سے جانے جاتے ہیں، نے انکشاف کیا تھا کہ ’ٹائیگر‘ کے اداکار کو بشنوئی برادری کے مقدس جانور کالے ہرن کے قتل میں ملوث ہونے کی وجہ سے نشانہ بنایا جا رہا تھا۔
