اسرائیل اور فلسطین کی حالیہ جنگ کے حوالے سے شوبزسیلیبرٹیزبھی بھرپورآواز اٹھا رہی ہیں۔بھارتی اداکارہ سوارا بھاسکر نےاسرائیل کا ساتھ دینے والوں کو منافقین کی فہرست میں شامل کیا ہے۔
گوہر خان کے بعد اب بھارتی اداکارہ سوارا بھاسکر نے بھی اسرائیل کا ساتھ دینے والوں کو کرارا جواب دیا ہے، اُنہوں نے اپنے انسٹاگرام ہینڈل پراسٹوری پوسٹ کی۔
سوارا بھاسکر نے اسرائیل کے حمایت کرنے والوں سے مخاطب ہوتے ہوئے غصے میں کہا کہ ’آپ لوگ، اُس وقت کہاں تھے جب اسرائیل گزشتہ کئی سالوں سے غزہ اور وہاں کے شہریوں، اسکولوں اور اسپتالوں پر بمباری کر رہا تھا‘۔
##مزید پڑھیں:
’اسرائیلی بربریت پر میا خلیفہ بھی بول پڑیں، کیا ملالہ نے ایک لفظ بھی کہا؟‘
اسرائیل کیخلاف آپریشن کی سربراہی کرنے والے ’دی گھوسٹ‘ کون ہیں
نمائندہ اقوام متحدہ نے فلسطینیوں کیخلاف بیانیہ مسترد کردیا
بھارتی اداکارہ نے کہا کہ ’اگر آپ نے فلسطینیوں پر اسرائیل کے کبھی نہ ختم ہونے والے مظالم، فلسطینیوں کے گھروں پر جبری قبضے، فلسطینی بچوں، خواتین اور نوعمروں کے قتل، دہائیوں کی طویل ناکہ بندی اور بمباری پر صدمہ اور وحشت محسوس نہیں کی تو پھر اسرائیل پر حماس کے حملوں پر آپ کا دُکھ، صدمہ اور افسوس مجھے منافقانہ معلوم ہوتا ہے‘۔
عالمی خبر رساں ادارے کے مطابق حماس کے اچانک حملے کے بعد سے امختلف جھڑپوں میں اسرائیلیوں کی ہلاکت کی تعداد 700 سے تجاوز کرگئی جن میں سیکڑوں فوجی اور پولیس اہلکار شامل ہیں۔
