ٹاؤن میونسپل کارپوریشنز کی مسلسل دخل اندازی کے بعد میونسپل کمشنر کے ایم سی نے ٹاؤنز چیئرمینز اور ٹاؤنز کمشنرز کو خطوط لکھ دیے۔
خط میں مؤقف اختیار کیا گیا کہ ریونیو کلیکشن میں بھی مسلسل دخل اندازی ہورہی ہے اس لئے ریونیوکلیکشن کی حدود میں دخل نہ دیا جائے۔ اس کے علاوہ ٹی ایم سیز انکروچمنٹ کےخلاف ایکشن میں دخل اندازی نہ کریں۔
میونسپل کمشنر کے ایم سی کے خط کے مطابق روڈ فیس، بیوٹفیکیشن فیس لینا بھی کے ایم سی کا استحقاق ہے جبکہ پیٹرول، ڈیزل، سی این جی ڈسپنسر فیس ، بلڈنگ مٹیریل چارجز، الیکٹرک جنریٹر چارجز کی فیس لینا بھی کے ایم سی کا استحقاق ہے۔
حکام کے مطابق میئرکراچی نے سیکریٹری لوکل گورنمنٹ کو بھی خط لکھا ہے۔
