وزیر کھیل سندھ جنید شاہ نے پاکستان کرکٹ ٹیم سے متعلق منفی بل بورڈ کا نوٹس لیتے ہوئے اسے فوری طور پر ہٹانے کا حکم دے دیا۔
فوڈ چین کے جانب سے قومی کرکٹ ٹیم سے متعلق منقی پیغام والا بل بورڈ لگایا گیا، جس پر صوبائی وزیر کھیل نے نوٹس لے کر اسے فوری طور پر ہٹانے کا حکم دے دیا ہے۔
ڈاکٹر جنید شاہ نے کہا کہ فوڈ چین کا کرکٹ ٹیم کو لے کر منفی پیغام افسوس ناک ہے، اس وقت ٹیم کا مورال بلند کرنےکی ضرورت ہے، اس طرح سے کرکٹ ٹیم کی حوصلہ شکنی برداشت نہیں۔
وزیر کھیل سندھ نے ہدایت کی کہ کرکٹ ٹیم سے متعلق نازیبا بل بورڈ فوری ہٹایا جائے۔
وزیراعظم مودی اورپاک بھارت میچ والے اسٹیڈیم کو بم سے اڑانے کی دھمکی،بھارتی میڈیا کا دعویٰ
انہوں نے مزید کہا کہ عوام اپنے کرکٹ ہیروز کو ہمیشہ سپورٹ کرتے ہیں، عوام کے دل کرکٹ ٹیم کے ساتھ دھڑکتے ہیں، اس طرح کے بینرز سے عوام کی دل آزاری ہوتی ہے۔
