وزارت مذہبی امور کا انوکھا کارنامہ سامنے آیا، اور وزارت کی جانب سے ایک دعوت نامہ جاری کیا گیا ہے جس میں 15 اپریل کو انتقال کرجانے والے مفتی عبدالشکور کو ”زندہ“ کردیا گیا ہے۔
وزارت کی جانب سے جاری دعوت نامے میں واضح طور پر لکھا ہے کہ یہ دعوت نامہ 6 اکتوبر 2023 کو جاری ہوا ہے، جس کے ذریعے بتایا گیا ہے کہ وفاقی وزیر مذہبی امور و بین المذاہب ہم آہنگی مفتی عبداالشکور کل (7 اکتوبر) پشاور کا دورہ کریں گے۔
دعوت نامے میں واضح لکھا ہے کہ 7 اکتوبر صبح ساڑھے 10 بجے سے دن ایک بجے تک پشاور میں واقع ایک ہال میں تقریب کا انعقاد کیا گیا ہے، جس میں مفتی عبدالشکور بھی شرکت کریں گے۔
مزید پڑھیں: وزیراعظم کا مرحوم مفتی عبدالشکور کو ہلال امتیاز دینے کا فیصلہ
دوسری جانب حقیقت یہ ہے کہ وفاقی وزیر مذہبی امور مفتی عبدالشکور 15 اپریل 2023 کو جاں بحق ہوئے تھے، اور وہ جس کابینہ کا حصہ تھے وہ بھی ختم ہوچکی ہے۔
