پاکستانی اداکارہ سجل علی اور اداکار وہاج علی کی ویب سیریز ’دی پنک شرٹ‘ کا پریمیئر ساوتھ ویسٹ فلم فیسٹیول سڈنی میں ہوگا۔

بین الاقوامی میڈیا کی رپورٹ کے مطابق 8 قسطوں پر مشتمل ویب سیریز کا ورلڈ پریمیئر سائوتھ ویسٹ فلم فیسٹیول سڈنی 2023 میں 16 اکتوبر کو پیلس سنٹرل سنیما میں ہوگا۔

ویب سیریز کی کہانی عمر اور صوفیہ کے گرد گھومتی ہے، جس میں دکھایا گیا ہے کہ ابتدائی طور پر دونوں ایک دوسرے کو پسند نہیں کرتے لیکن آخر میں دونوں ایک دوسرے کو پسند کرنے لگتے ہیں۔

ویب سیریز میں سجل علی نے صوفیہ اور وہاج علی نے عمر کا کردار ادا کیا ہے، دونوں اداکار مرکزی کردار ادا کریں گے۔

دی پنک شرٹ بھارٹی انٹرٹینمنٹ پلیٹ فارم زندگی کی تخلیق کردہ ویب سیریز ہے، یہ واحد جنوبی ایشیائی سیریز ہے جسے ساؤتھ ویسٹ فلم فیسٹول سڈنی 2023 کے لیے منتخب کیا گیا ہے۔