اسلام آباد ہائیکورٹ نے چیریٹی قانون کے تحت ڈائریکٹر انڈسٹریز اینڈ لیبر ڈیپارٹمنٹ کو القادر ٹرسٹ کی رجسٹریشن کے فیصلے کے لیے دو ہفتے کا وقت دے دیا۔

القادر یونیورسٹی پراجیکٹ ٹرسٹ اسلام آباد میں چیریٹی قانون کے تحت رجسٹریشن کیس کی سماعت اسلام آباد ہائیکورٹ کے جسٹس میاں گل حسن اورنگزیب نے کی۔

جسٹس میاں گل حسن اورنگزیب نے سرکاری وکیل سے استفسار کیا کہ آپ کا جو کام ہے وہ کرنے سے کیوں گھبرا رہے ہیں؟ اگر آپ نے رجسٹریشن نہیں کرنی تو بتا دیں اور اس کا نام بھی لکھ دیں جو منع کر رہا ہے۔

عدالت نے ڈائریکٹر انڈسٹریز اینڈ لیبر ڈیپارٹمنٹ کو القادر ٹرسٹ کی رجسٹریشن کے فیصلے کے لیے دو ہفتے کا وقت دیتے ہوئے سماعت ملتوی کر دی۔