نگراں وزیراعلیٰ پنجاب محسن نقوی نے قومی اپیکس کمیٹی کے فیصلے کے تحت غیرقانونی طور پر مقیم تارکین وطن کے خلاف کریک ڈاؤن شروع کرنے کے احکامات جاری کردیے۔
نگراں وزیراعلیٰ محسن نقوی نے پنجاب میں غیر قانونی طور پر مقیم تارکین وطن کا ڈیٹا جمع کرنے ٹاسک سونپ دیا۔
ذرائع کے مطابق آئی جی پنجاب اور تمام اضلاع کے آر پی اوز کو ہدایات جاری کردی گئی ہیں جس کے بعد غیر قانونی تارکین کے شناختی کارڈز کی باقاعدہ تصدیق کی جائے، غلط شناختی کارڈز کو فوری بلاک کرنے کی ہدایات دی گئی ہیں۔
نگراں وزیراعلیٰ پنجاب نے ہدایت دی ہے کہ پولیس مؤثر آپریشن کے ذریعے غیر قانونی تارکین وطن کا ڈیٹا جمع کرے، کسی غیر قانونی تارک وطن کے ساتھ نرمی نہ کی جائے۔
ذرائع کے مطابق پنجاب حکومت نے گزشتہ روز اپیکس کمیٹی اجلاس کے بعد پنجاب میں آپریشن کا فیصلہ کیا ہے، پنجاب حکومت نیشنل ایکشن پلان کے تحت غیر قانونی تارکین وطن کے خلاف کارروائی شروع کرنے جارہی ہے۔
دوسری جانب حکومت نے غیرقانونی مقیم غیر ملکی تارکین وطن کو 27 روز میں پاکستان چھوڑنے کی ڈیڈ لائن دے دی۔
ذرائع کے مطابق حکومت کی جانب سے ڈیڈ لائن دی گئی ہے کہ پاکستان میں غیرقانونی مقیم غیر ملکی 27 دن کے اندر ملک چھوڑ دیں۔
ذرائع کے مطابق غیر قانونی تارکین وطن کے خلاف کریک ڈاؤن تیز کرنے کا فیصلہ کرلیا گیا۔
ذرائع کا کہنا ہے کہ پاکستان میں تقریبا 17 لاکھ 30 ہزار افغان شہریوں کے پاس قانون رہائشی دستاویزات نہیں، اقوام متحدہ کی جانب سے جاری اعداد وشمار کے مطابق 13 لاکھ غیرقانونی تارکینِ وطن رہائشی ہیں، 8 لاکھ 80 ہزار مہاجرین کو قانونی حیثیت فراہم نہیں کی گئی۔
ذرائع وزرات داخلہ کے مطابق حکومت پاکستان تمام افغان باشندوں کو پاکستان سے واپس بھیجنا چاہتی ہے، پہلے مرحلے میں غیر قانونی مقیم افراد، دوسرے مرحلے میں افغان شہریت کے حامل افراد اور تیسرے مرحلے میں رہائشی کارڈ کے ثبوت فراہم کرنے والے افراد کو واپس بھیج جائے گا۔
حکومت سندھ کا غیر قانونی افغان باشندوں کیخلاف آپریشن کافیصلہ
آئی جی سندھ کی غیرقانونی تارکین وطن کو جلد از جلد ڈی پورٹ کرنے کیہدایت
ذرائع وزرات داخلہ نے بتایا کہ حالیہ 24 خودکش بم دھماکوں میں سے 14 کے ذمہ دار افغان شہری تھے، غیر قانونی رہائشی افغان شہری اسمگلنگ، چوری، ڈکیتی، رہزانی اور قتل میں ملوث ہیں۔
