ورلڈ کپ سے قبل مسلسل دوسرے وارم اپ میچ میں پاکستانی ٹیم کی شکست کی ذمہ دارحیدرآبادی بریانی نکلی۔

سوشل میڈیا پر گرین شرٹس کے آل راؤنڈر شاداب خان کا ایک دلچسپ ویڈیو کلپ وائرل ہے جس میں وہ آسٹریلیا کے خلاف غیرذمہ دارانہ فیلڈنگ کا الزام ’بھارتی بریانی‘ کو ٹھہرا رہے ہیں۔

گزشتہ روز قومی کرکٹ کو وارم اپ میچ میں کینگروز کے ہاتھوں 14 رنز سے شکست ہوئی تھی۔

کپتان بابر اعظم نے وارم اپ میچ نہیں کھیلا، ان کی غیر موجودگی میں کپتان کی ذمہ داریاں سنبھالنے والے شاداب نے شکست کے بعد بھارتی مبصر ہرشا بھوگلے سے بات کرتے ہوئے کہا کہ ٹیم حیدرآباد میں اچھا وقت گزار رہی ہے۔

اس دوران ہرشا نے شاداب سے سوال کیا کہ کیا آپ لوگوں نے حیدرآبادی بریانی کھائی؟ تو جواب میں شاداب کے جواب پر قہقہے لگ گئے ،

کھلاڑی نے شگفتہ انداز میں کہا کہ ، ’ہم روز ہی کھارہے ہیں، مجھے لگتا ہے شاید اسی لیے ہم تھوڑا سلو (سست) بھی ہورہے ہیں۔

اس سے قبل نیوزی لینڈ کے خلاف پہلے وارم اپ میچ میں بھی گرین شرٹس کو شکست کا سامنا کرنا پڑا تھا۔

پاکستان ورلڈکپ میں اپنا پہلا میچ نیدرلینڈز کیخلاف جمعہ 6 اکتوبر کو کھیلے گا۔