لاہور میں گھر سے ماں اور بیٹی کی لاشیں ملی ہیں، پولیس نے لاشیں تحویل میں لے کر تفتیش شروع کردی جبکہ ماڈل ٹاؤن میں غیر ملکی خاتون کو گھر میں یرغمال بنا کر ڈاکوؤں نے لوٹ لیا۔
لاہور میں اتحاد پارک فیکٹری ایریا کے علاقے میں ایک گھر سے ماں اور بیٹی کی لاشیں برآمد ہوئیں۔
ریگی میں ٹرانسمیشن لائن کے قریب سے دو کم عمر لڑکیوں کی جھلسی ہوئیلاشیں برآمد
پولیس کے مطابق مقتولین میں 55 سالہ شکیلہ اور اس کی 20 سالہ بیٹی علشبہ شامل ہیں، دونوں لاشیں گھر کی بالائی منزل سے ملیں، لاشیں مردہ خانے منتقل کردی گئیں۔
پولیس کا کہنا ہے کہ لاشوں کے قریب سے خنجر بھی ملا، جائے وقوعہ سے شواہد اکٹھے کرلیے ہیں، مقتولہ شکیلہ کا شوہر رشید نرسری پر کام کرتا ہے، واقعے کی تحقیقات کے لیے لاشیں تحویل میں لے کر فرانزک شواہد اکٹھے کیے جا رہے ہیں۔
دوسری جانب لاہور کے علاقے ماڈل ٹاؤن میں ڈاکوؤں نے غیر ملکی خاتون کو اس کے گھر میں یرغمال بنا کر لاکھوں روپے لوٹ لیے۔
پولیس کے مطابق 2 ڈاکو گھر میں داخل ہوئے اور خاتون کو یرغمال بنالیا، دونوں ڈاکو الماری میں موجود ڈالرز، قیمتی گھڑیاں اور سونا لوٹ کر بغیر نمبر پلیٹ موٹر سائیکل پر فرار ہوگئے۔
