سپر اسٹار پربھاس اور بالی ووڈ کے کنگ شاہ رخ خان کی اگلی فلم رواں سال کے آخر میں ریلیز ہونے والی ہے اور بہت حد تک ممکن ہے کہ دونوں فلم باکس آفس پر ٹکراؤ ہو۔
اس حوالے سے جاری رپورٹس میں بتایا گیا ہے کہ سالار 22 دسمبر 2023 کو بڑے پردے پر آئے گی اور یہ فلم دنیا بھر کے باکس آفس پر شاہ رخ خان کی ڈنکی سے ٹکرائے گی۔
رپورٹس میں مزید بتایا گیا ہے کہ یہ فیصلہ کرسمس کی وجہ سے دنیا بھر میں چھٹیوں کے دورانیے کا فائدہ اٹھانے کے لیے کیا گیا ہے۔
تاہم دو بڑی فلموں کے ٹکرو ے دیگر فلموں کے پروڈیسرز کو پریشان کردیا ہے نامور فلمساز کرن جوہر نے شاہ رخ خان کی فلم ’ڈنکی‘ اور پرابھاس کی ’سالار‘ کی ریلیز کے مدنظر اپنی فلم یودھا کی ریلیز ملتوی کردی ہے۔
بھارتی میڈیا ذرائع کے مطابق سدھارتھ ملہوترا کی فلم کیلئے 15 دسمبر کی تاریخ مقرر کی گئی تھی لیکن ’ڈنکی‘ اور ’سالار‘ میں ٹکراؤ سامنے آنے پر اب فلم کیلئے نئی تاریخ کا اعلان کیا جائے گا۔
سالار کو انیل تھڈانی کی اے اے فلمز ڈسٹربیوٹ کرے گی، جو فلم اینیمل کے ڈسٹری بیوٹر بھی ہیں، جس میں رنبیر کپور اداکاری کررہے ہیں یہ فلم یکم دسمبر کو ریلیز ہوگی۔
ذرائع کے مطابق شاہ رخ خان کی کمپنی ریڈ چلیز انٹرٹینمنٹ کے سینئر حکام نے فلم اینیمل کے پروڈیوسر سے رابطہ کیا۔ ریڈ چلیز کے عہدیداروں نے اینیمل کے پروڈیوسر سے درخواست کی کہ وہ اس بات کو یقینی بنائیں کہ ایسی صورت حال پیدا نہ ہو جہاں نمائش کنندگان کو پریشانی کا سامنا کرنا پڑے ۔
خیال رہے کہ سالار کو کےجی ایف کے ڈائریکٹر پرشانتھ نیل نے ڈائریکٹ کیا ہے اور یہ کے جی ایف یونیورس کا ایک حصہ ہے۔
دوسری طرف، ڈنکی کی ہدایت کاری راج کمار ہیرانی کر رہے ہیں اور تاپسی کے ساتھ ایس آر کے ہیں۔
