بھارت میں سابق حکومت کے دورکا افغان سفارت خانہ بند کرنے کا فیصلہ کرلیا گیا، سفارتی عملے نے بھارتی وزارت خارجہ کو خط لکھ دیا۔

بھارت میں افغان سفارت خانہ جو سابق دور حکومت کے تعینات عملے سے آباد تھا، اُسے اب بند کرنے کا فیصلہ کرلیا گیا ہے۔

افغان سفارت خانے کے عملے نے بھارتی وزارت خارجہ کو لکھے خط میں موقف اپنایا کہ بھارت سفارتی کام میں تعاون نہیں کررہا ۔

مزید کہا کہ سفارت خانے کو بائی پاس کر کے افغانستان حکومت سے براہ راست رابطے کرتا ہے، جس سے معاملات خراب ہورہے ہیں۔

اگست2021 میں طالبان کے کابل پر قبضے کے بعد سے تین ہزار افغان طلباء اب بھی اپنے ویزوں کے منتظر ہیں، جس سے ان کی تعلیم متاثر ہو رہی ہے۔

افغان مریض جو بھارت آتے تھے، وہ بھی پریشانی کا شکار ہیں۔ اس لیے عملہ اب سفارت خانہ بند کر رہا ہے۔

واضح رہے کہ بھارت اب مختلف ذرائع اور طریقوں سے نئی عبوری حکومت تک رسائی حاصل کر رہا ہے۔