دفاعی ماہرین نے جمعے کو بلوچستان کے شہر مستونگ میں عید میلاد النبیﷺ پر خودکش دھماکے کو پاکستان میں بد امنی پھیلانے کی ایک اور گھناؤنی سازش قرار دیا ہے۔
دفاعی ماہرین کا کہنا ہے کہ آج مستونگ میں مسجد خالد کے قریب عید میلاد کے جلوس پر خود کش دھماکا اسلام اور ملک دشمن عناصر کی طرف سے حملہ ہے، عید میلاد نبی کے مقدس موقع پر معصوم اور نہتے مسلمانوں کو نشانہ بنانے والے نہ تو مسلمان ہو سکتے ہیں اور نہ پاکستانی۔
ماہرین نے مزید کہا کہ ہمارا ازلی دشمن جو ہر وقت پاکستان کو نقصان پہنچانے کے درپے رہتا ہے، ایسے دہشت گردی کے واقعات کروا کر ہماری اور دنیا کی توجہ اپنے اندرونی اور بیرونی مسائل سے ہٹانا چاہتا ہے۔
دفاعی ماہرین نے یہ بھی کہا کہ حال ہی میں کینیڈا میں سکھوں کو قتل کرنے میں بھارتی حکومت براہ راست ملوث پائی گئی، جس کی وجہ سے وہ دنیا میں ایک دہشت گرد اسٹیٹ کہلائے جا رہے ہیں اور انتہائی پریشر میں ہیں، پہلے بھی بھارت متعدد بار ایسے گھٹیا حربے استعمال کر چکا ہے۔
مستونگ دھماکا: ڈی ایس پی نے خودکش حملہ آور کو روکنے کی کوشش میں جاندی، آئی جی بلوچستان
مستونگ: عید میلادالنبی جلوس کے قریب خود کش دھماکا، ڈی ایس پی سمیت 52شہید، متعدد زخمی
انہوں نے کہا کہ بلوچستان میں دہشت گردی کے نہ قابل تردید ثبوت پاکستان پہلے بھی دنیا کو دیکھا چکا ہے، کلبوشن یادیو رنگے ہاتھوں بلوچستان میں دہشت گردی کرتے پکڑا جا چکا ہے، کالعدم ٹی ٹی پی، داعش اور بلوچ دہشت گرد دشمن کے آلا کار ہیں۔
