نگراں وفاقی وزیر داخلہ سرفراز بگٹی نے کہا ہے کہ ہم قوم کو یقین دلاتے ہیں کہ ریاست مظلوم کے ساتھ کھڑی ہے، ہماری فورسز میں یہ قابلیت ہے کہ وہ ان دہشت گردوں کے خلاف ہر حد تک جائیں۔
جمعے کے روز سکیورٹی فورسز نے کالعدم تنظیم کی ژوب میں پاک افغان سرحد کے قریب حملے کی کوشش ناکام بنا کر 3 دہشت گردوں کو ہلاک کردیا جبکہ فائرنگ کے تبادلے میں 4 سکیورٹی اہلکار شہید ہوگئے۔
جس کے بعد نگراں وزیر داخلہ سرفراز بگٹی نے اپنے ویڈیو پیغام میں کہا کہ ژوب سے دہشت گردوں کو دراندزی کو روکتے ہوئے 4 جوان شہید ہوئے، فورسز نے جواں مردی کے ساتھ دہشت گردوں کے عزائم خاک میں ملائے، اسلام کے نام خوارجی ہم پر حملہ آور ہوئے ہیں۔
سرفراز بگٹی نے کہا کہ رسول پاک کی ولادت کا جشن منانے والوں کو نشانہ بنایا ہے جو انتہائی افسوسناک اور قابل مذمت ہے، ہم قوم کو یقین دلاتے ہیں کہ ریاست مظلوم کے ساتھ کھڑی ہے، ہماری فورسز میں یہ قابلیت ہے کہ وہ ان دہشت گردوں کے خلاف ہر حد تک جائیں۔
افغانستان سے دراندازی کی کوشش میں 3 دہشت گرد ہلاک، 4 جوانشہید
مستونگ: عید میلادالنبی جلوس کے قریب خود کش دھماکا، ڈی ایس پی سمیت 52شہید، متعدد زخمی
نگراں وفاقی وزیرداخلہ کا مزید کہنا تھا کہ ہم دہشت گردوں وار ان کے سہولت کاروں کو ان کے بلوں سے نکالیں گے، دہشت گردی میں ان عناصر سے مقدس خون کا بدلہ لیا جائے گا۔
