سماجی رابطوں کی ویب سائٹ ایکس پر بالی ووڈ کنگ خان کی جانب سے ویرات کوہلی کے لیے ایک پیغام تیزی سے وائرل ہوا جس میں شاہ رخ نے انوشکا شرما کی نسبت سے ویرات کوہلی سے اپنا رشتہ بتایا ہے۔
شاہ رخ خان اپنے سوشل میڈیا پلیٹ فارمز بالخصوص ایکس پر کافی متحرک رہتے ہیں، نئی فلم ’جوان‘ کی ریلیز کے بعد سے تو یہ سلسلہ انہوں نے ہورے جوش وخروش سے جاری رکھا ہوا ہے۔
اداکار نے ایکس پر مداحوں کے سوالات کے دلچسپ جواب دیے، اس دوران ایک مداح نے ان سے ویرات کوہلی کے حوالے سے سوال کیا کہ روز وہ اپنے مداحوں کے سوالوں کی جنگ کی زد میں رہتے ہیں آپ بھی ان کے بارے میں کچھ بتائیں؟۔
جواب میں کنگ خان نے کہا کہ ’مجھے ویرات کوہلی سے بہت پیار ہے، وہ میرا اپنا ہے اور میں اس کی کامیابی اور خوشی کے لیے دُعا کرتا ہوں‘۔
شاہ رخ خان کی فلم پٹھان کا ٹریلر لیک ! فلم سازوں کو جھٹکا
بیوی کو کیسے سنبھالیں، مشورہ مانگنے والے کو شاہ رخ خان کا جواب
ویرات کوہلی نے بابراعظم کو ہر فارمیٹ کا بہترین بلے باز قرار دے دیا
کنگ خان نے مزید کہا کہ ’بھائی! داماد جیسا ہے ہمارا‘۔
کوہلی کی اہلیہ اداکارہ انوشکا شرما نے کیریئر کی پہلی فلم 2008 میں ’رب نے بنا دی جوڑی‘ شاہ رخ خان کے ہمراہ کی تھی ۔
بعد ازاں کنگ خان نے بھارتی کرکٹر ویرات کوہلی کے کردار کو اسکرین پرادا کرنے کی خواہش بھی ظاہر کی تھی۔
