سندھ کے دو نگران صوبائی وزراء کے درمیان اختلافات پیدا ہوگئے ہیں، جس کے باعث محکمہ ثقافت اور محکمہ سیاحت آمنے سامنے آگئے ہیں۔

محکمہ سیاحت کے نگران وزیر نے محکمہ ثقافت کے لوک اسٹوڈیو اور کیفے ثقافت کا سیٹ تڑوا دیا۔

محکمہ ثقافت نے محکمہ سیاحت کے بلڈنگ پتھم آفس میں اسٹوڈیو بنائے تھے، لوک اسٹوڈیو میں سندھ بھر کے گلوکاروں کے گانے ریکارڈ کئے جاتے تھے۔

کیفے ثفاقت میں سرکاری سطح پر سندھ کی ثقافت اور ادیبوں پر پروگرام ہوتے تھے۔

محکمہ ثقافت کے ذرائع کے مطابق نگراں وزیر سیاحت نے کہا ہے دفتر ہمارا ہے جگہ خالی کرو، جگہ خالی کرنے سے پہلے اسٹوڈیو کو ہٹا دیا گیا اور لاکھوں روپے کے سرکاری سامان کو خراب کردیا گیا۔