پرانے زمانے میں مائیں اپنی بچیوں کے سروں میں ناریل تیل کی مالش کرنا ایک فرض سمجھتی تھیں۔ تاکہ وہ بالوں کے گرنے اور سر کی خشکی سے محفوظ رہیں، لیکن جیسے جیسے زمانہ بدلتا گیا تیل لگوانے کا رحجان بھی کم ہوتا چلا گیا۔
خشکی کے لئے ناریل کا تیل ایک مقبول گھریلو ٹوٹکا ہے جس پر سالوں سے عمل کیا جاتا ہے۔
لیکن کیا ٹوٹکا واقعی خشکی کو ختم کرنے کیلئے کارگر ہے؟
دنیا بھر میں لاکھوں افراد خشکی، جسے ’پیٹیریاسیس کیپائٹس‘ بھی کہا جاتا ہے، سے متاثر ہوتے ہیں، جس کی علامات غیر معمولی طور پر چکنی، خشک، مردہ جلد کے پھٹنے جیسی ہیں۔
خشکی کے خاتمے کیلئے ناریل کا تیل کافی کارآمد ثابت ہوسکتا ہے، یہ تیل وٹامنز اور ضروری فیٹی ایسڈز سے بھرپور ہوتا ہے، اس طرح یہ سرکو نمی بخش کر اور خون کی روانی کو بہتر کرکے حیرت انگیز کام کرتا ہے۔
کیمیکل سے بال رنگنے کے بجائے اب گھر پر بال ڈائی کریں
تیزی سے بال بڑھانے کے 5 قدرتی طریقہ
گاڑی چلاتے ہوئے دل کا دورہ پڑنے کی صورت میں محفوظ رکھنے والا سینسر
اس میں اینٹی بیکٹیریل اور ڈیپ ہائیڈریٹنگ صلاحیتیں بھی ہیں، جو خشکی کے خلاف لڑنے کے لئے ضروری ہیں۔
اگر آپ خشکی کے لیے کیمیکل سے بھرے شیمپو استعمال کرتے ہوئے تھک چکے ہیں تو ناریل کے تیل کو اپنا قدرتی علاج سمجھیں۔
خشکی آپ کے سر پر موجود مردہ جلد یا پانی، شیمپو اور صابن کی جمی ہوئی نمکیات ہوتی ہے جو پاؤڈر کی شکل میں خشک ہوکر نکلنے لگتی ہے اور خارش کا باعث بنتی ہے۔
دنیا بھر میں تقریباً نصف بالغ افراد کو اس مسئلے کا سامنا ہے۔ یہ مختلف وجوہات کی بنا پر ہوسکتا ہے، جیسے پیسکی فنگس یا اپنے بالوں کو کافی حد تک نہ دھونا۔ آپ کے سر کی جلد سرخ اور سوزش والی بھی ہوسکتی ہے، یہاں تک کہ بالوں کے جھڑنے کا سبب بھی بن سکتی ہے۔
خشکی کو موروثی اور ماحولیاتی عوامل کا مجموعہ سمجھا جاتا ہے۔ بالوں کی دیکھ بھال کے معمولات جیسے اپنے بالوں کو نہ دھونا یا بہت زیادہ دھونا، بالوں کی مختلف مصنوعات کا استعمال، بہت زیادہ دھوپ، تنگ ٹوپیاں، آپ کی غذا، دھول اور گندگی سب خشکی کا سبب بن سکتے ہیں۔ اس کے علاوہ، تناؤ، سرد موسم، اور ملاسیزیا نامی فنگس آپ کی خشکی کو بدتر بنا سکتا ہے۔
خشکی کو مؤثر طریقے سے ختم کرنے کے لئے ہفتے میں کم از کم دو بار اس عمل کو دہرائیں۔ دلچسپ بات یہ ہے کہ خواتین سے زیادہ مرد اس مسئلے سےنبرد آزما ہوتے ہیں۔
ورجن ناریل کا تیل یا غیر صاف شدہ ناریل کا تیل زیادہ تر اس طرح کی خشکی میں مدد کرسکتا ہے۔ یہ سر کی جلد کو نمی بخشتا ہے، اس کی صحت کو بحال کرتا ہے اور خشکی کو کم کرتا ہے۔
ناریل کے تیل میں اینٹی فنگل اور اینٹی آکسیڈنٹ خصوصیات ہوتی ہیں جو اسے صدیوں سے خشکی کے لئے مقبول گھریلو علاج میں سے ایک بناتی ہیں۔ کچھ مضبوط کیمیائی شیمپوؤں کے برعکس جو آپ کے بالوں کی جڑوں کو نقصان پہنچا سکتے ہیں اور خشکی کو راغب کرسکتے ہیں ، ناریل کا تیل کیمیکل سے پاک ، ہلکا ہے ، اور جڑ سے خشکی سے نمٹنے کا کام کرتا ہے۔
اس کے لیئے آپ 2 سے 3 کھانے کے چمچ ناریل کا تیل لیں اوراسے چولہے پر گرم کریں۔ اس بات کو یقینی بنائیں کہ یہ بہت گرم نہ ہو بلکہ چھونے کے قابل ہونا چاہئے۔ اپنی انگلیوں کو تیل میں ڈبودیں اور انہیں اپنے سر کی خشک اور خارش والی جلد کی مالش کے لئے استعمال کریں۔اس کو ہر حصے پر پھیلاتے ہوئے 10 سے 15 منٹ تک اپنے سر کی مالش کریں اور 30 منٹ کے لئے چھوڑ دیں ، پھر اسے اچھے شیمپو سے دھو لیں۔
نیم اپنے اینٹی بیکٹیریل ، اینٹی سوزش ، اور اینٹی فنگل خصوصیات کی وجہ سے خشکی کے لئے ایک حیرت انگیز قدرتی علاج ہے، اس کے لئے 9 سے 10 نیم کے خشک پتے اور 2 سے 3 کھانے کے چمچ ناریل کا تیل لیں۔
اب نیم کے پتوں کو مکسر کا استعمال کرتے ہوئے پاؤڈر کی طرح پیس لیں اور سفوف کو ناریل کے تیل میں مکس کرکے پیسٹ بنا لیں۔
تقریباً 10 منٹ تک سرکلر موشن میں اس مرکب کو اپنے سر پر آہستہ آہستہ مساج کریں۔ چند گھنٹوں کے بعد اسے ہلکے کنڈیشنر اور شیمپو سے دھو لیں۔
