ترجمان جماعت اسلامی قیصر شریف کا کہنا ہے کہ کل وائٹ پیپر جاری کیا جائے گا جس میں گذشتہ حکومتوں کی ناکام حکمت عملی کی تفصیلات شامل ہیں۔

قیصر شریف کا کہنا ہے کہ وائٹ پیپر میں تینوں حکمران پارٹیوں کی ظالمانہ پالیسیوں کی نشاندہی کی گئی۔

انھوں نے کہا کہ پی ڈی ایم اور نگراں حکومت کی بدترین کارکردگی بھی عوام کے سامنے پیش کریں گے۔

ان کا کہنا تھا کہ ملک اس وقت انتہائی عدم استحکام کا شکار ہے، موجودہ صورتحال زیادہ دیر نہیں چل سکتی حکومت کو قیمتیں کم کرنا ہوں گی۔

قیصر شریف نے کہا کہ جماعت اسلامی کی ملک گیر تحریک نتیجہ خیز ثابت ہوگی۔

سراج الحق کل منصورہ لاہور میں پریس کانفرنس کے دوران ملکی مسائل کا حل اور متبادل پالیسی بھی پیش کریں گے۔