پی ٹی آئی رہنما بیرسٹر ڈاکٹر محمد علی سیف کا کہنا ہے کہ نواز شریف عوام پر احسان کریں اور لندن میں ہی رہیں، ان کی واپسی سزا یافتہ مجرم کے طور پر ہوگی۔
بیرسٹر سیف نے اپنے پیغام میں کہا کہ نواز شریف لندن میں بیٹھ کر نہاریاں کھائیں، پاکستان میں اب ان کی لوٹ مار کیلئے مزید کچھ نہیں بچا۔
انہوں نے کہا کہ چھوٹے بھائی 17 ماہ کی دیہاڑی لگا کر واپس جاچکے ہیں، نواز شریف واپسی کے بجائے لوٹی ہوئی دولت عوام کو دیں۔
ان کا مزید کہنا تھا کہ نواز شریف کی خاندانی سیاست اپنی موت مر چکی ہے، پاکستانی عوام موروثی سیاست کو رد کر چکے ہیں۔
