جامعہ کراچی کے اساتذہ نے ہڑتال ختم کرنے کا اعلان کردیا۔ تدریسی عمل معطل ہونے سے طلبہ کو پریشانی کا سامنا تھا۔
نگراں وزیراعلیٰ سندھ سے سیکرٹری یونیورسٹیز اینڈ بورڈز نے ملاقات کی۔ جس میں جامعہ کراچی کے اساتذہ اور انتظامیہ کے درمیان پائے جانے والے معاملات پر تبادلہ خیال کیا گیا۔
سیکرٹری کے مطابق وزیراعلیٰ سندھ نے مسائل حل کرنے کی یقین دہانی کروائی ہے۔
مقبول باقر نے جامعہ کراچی میں تعلیمی سرگرمیاں بہتر انداز میں شروع کرنے کی ہدایت کی ہے۔
نگراں وزیراعلیٰ سندھ کا کہنا ہے کہ ہم خود اساتذہ کے مسائل حل کریں گے۔
واضح رہے کہ جامعہ کراچی میں انجمن اساتذہ نے مطالبات کی منظوری کیلئے احتجاجاً کلاسز کا بائیکاٹ کر کے تدریسی عمل معطل کر رکھا تھا۔
دوسری طرف وائس چانسلر جامعہ کراچی نے بغیر بتائے چھٹی پرجانے والے اساتذہ کو شوکاز نوٹسز جاری کردیے تھے۔
یہ بھی پڑھیں :
کامسیٹس یونیورسٹی کے ریٹائرڈ ملازمین کی پینشن ختم کر دی گئی
اسلامیہ یونیورسٹی: جنسی زیادتی،نازیباویڈیوز کی منظم سرگرمی کا سراغ نہیں ملا، رپورٹ
یونیورسٹی میں تدریسی عمل معطل ہونے سے طلبہ کو پریشانی کا سامنا تھا، طلبہ کا کہنا تھا کہ اساتذہ اور انتظامیہ کے تناؤ کی وجہ سے پڑھائی کا نقصان ہورہا ہے۔
