آشوب چشم کے لاہور سمیت پنجاب بھر میں تیزی سے بڑھتے پھیلاؤ کے پیش نظر محکمہ تعلیم نے اسکولوں میں الرٹ جاری کر دیا ہے۔
اسکولز ایجوکیشن ڈیپارٹمنٹ نے ایجوکیشن اتھارٹیزکو مراسلہ جاری کیا ہے، جس کے مطابق بچوں کو بیماری سے آگاہی کیلئے اسکولوں میں زیرو پیریڈ لگایا جائے۔
مراسلے میں کہا کہ آشوب چشم سے بچاؤ کے لیے محکمہ صحت کی ہدایات پرعمل کیا جائے، اساتذہ طلباء کو بیماری اور اس سے بچاؤ کی تدابیر بتائیں۔
