بھارتی ریاست اتر پردیش کے دیوریا ضلع میں ایک غیر معمولی واقعہ پیش آیا جہاں ایک شوہر نے اپنی بیوی کی شادی اس کے عاشق سے کروا دی۔
شوہر نے یہ فیصلہ اس وقت لیا جب بہار سے تعلق رکھنے والے عاشق اس کی بیوی سے ملنے پہنچا اورخاتون کے سسرال والوں نے اسے گھر کے اندر پکڑ لیا۔
دیوریا کے بریار پور گرام پنچایت کے مقامی گاؤں کے نوجوان کی شادی بہار کے گوپال گنج ضلع کی ایک لڑکی سے ہوئی تھی۔
شادی ٹھیک چل رہی تھی لیکن خاتون کا سابق عاشق بہار کے گوپال گنج سے دیوریا پہنچا، وہ خاتون کے سسرالی گھر میں گھسنے میں کامیاب ہوگیا، تاہم اسے گھر والوں نے پکڑ لیا۔ کچھ ہی دیر میں گاؤں والے وہاں جمع ہو گئے۔
90 برس کی عمر میں 5ویں شادی کرنیوالے شخص کا نوجوانوں کو مشورہ
پہلی بار پاکستانی جوڑے نے دنیا کی آٹھویں بلند چوٹی سر کرلی
پرینیتی چوپڑا اور بھارتی سیاستدان راگھو چڈھا کی شادی، تصاویر سوشل میڈیا پروائرل
نوجوان کی گھر کے اندر ہونے کی وجہ معلوم ہوئی تو اہل خانہ اور گاؤں والوں نے اس کی پٹائی کی۔ تاہم خاتون نے اپنے شوہر سے نوجوان پر رحم کرنے کی درخواست کی اور بتایا کہ وہ کس طرح اس نوجوان کو جانتی ہے اور وہ ایک دوسرے سے محبت کرتے تھے۔
جب شوہر کو اس رشتے کے بارے میں پتہ چلا تو اس نے سب سے کہا کہ وہ نوجوان کو مارنا بند کر یں۔ بعد میں شوہر نے نہ صرف اپنے گھر والوں کو بلکہ گاؤں والوں کو بھی قائل کیا کہ وہ اپنی بیوی کی شادی عاشق سے کروا رہا ہے۔
انوکھی مثال قائم کرنے والے شوہرنے نہ صرف یہ شادی کروائی بلکہ اس بات کو بھی یقینی بنایا کہ دونوں بحفاظت اپنے گاؤں پہنچ جائیں۔
