پاکستان تحریک انصاف (پی ٹی آئی) کے صدر چوہدری پرویزالہٰی کی اہلخانہ سے اڈیالہ جیل میں ملاقات ہوئی ہے۔
جیل ذرائع کے مطابق سابق وزیراعلیٰ پنجاب چوہدری پرویز الہٰی سے ملاقات کرنے والوں میں ان کی اہلیہ، بیٹے اور بھتیجی شامل ہیں۔
ذرائع کے مطابق ملاقات کے دوران اہل خانہ نے چوہدری پرویزالہٰی سے خیریت دریافت کی۔ سابق وزیراعلیٰ پنجاب سے اہلخانہ کی ملاقات عدالتی حکم پر کروائی گئی۔
واضح رہے کہ چوہدری پرویز الہٰی کو کچھ دن قبل اڈیالہ جیل سے ہی رہا کیا گیا تھا تاہم انہیں فوری طور پر اینٹی کرپشن حکام نے اپنی حراست میں لے کر لاہور ہیڈ کوارٹر منتقل کردیا تھا۔
’جیل میں پرویز الہیٰ کی روشنی اور ہوا بند کردیگئی‘
سابق وزیراعلیٰ پنجاب کو ایک مرتبہ پھر راولپنڈی کی اڈیالہ جیل منتقل کر دیا گیا تھا۔
