پولیس اہلکار کے قتل کے ملزم کو رشوت کے عوض چھوڑنے والے اسپیشل انویسٹی گیشن یونٹ کے اے ایس آئی ساجد کو معطل کرکے عہدے میں تنزلی کر دی گئی۔

ایس ایس پی جنید شیخ کے مطابق ایس آئی یو کے اے ایس آئی ساجد کی ٹیم نے ایک ملزم سبحان جتوئی کو گرفتار کیا تھا، ملزم پولیس اہلکار کے قتل پولیس مقابلے اور دیگر وارداتوں میں مطلوب تھا۔

ایس ایس پی جنید شیخ کے مطابق ایس آئی یو کے اے ایس آئی ساجد نے ملزم کو رہا کرنے کے عوض اس کے اہلخانہ سے پانچ لاکھ روپے طلب کا مطالبہ کیا، اور ایک اہلکار کے موبائل سے ڈیل کی۔

ایس ایس پی نے بتایا کہ ملزم کا بھائی ایک لاکھ 70 ہزار روپے دینے پرآمادہ ہوا، جس پر اہلکار ساجد کو معطل کرکے عہدے سے تنزلی کردی ہے۔