سپریم کورٹ نے محکمانہ انکوائری کے خلاف اسکول ٹیچرکی درخواست مسترد کرتے ہوئے معاملہ نمٹا دیا۔ جسٹس اطہرمن اللہ نے کہا کہ آپ پر تو انتہائی سنجیدہ نوعیت کے الزامات ہیں، شکر کریں کہ انکوائری کا فیصلہ آپ کے حق میں ہے۔
چیف جسٹس قاضی فائز عیسٰی کی سربراہی میں سپریم کورٹ کے 3 رکنی بینچ نے محکمانہ انکوائری کے خلاف اسکول ٹیچر کی درخواست پر سماعت کی۔
چیف جسٹس نے کہا کہ انکوائری کے بعد آپ کو بحال کردیا گیا تو ملازمت پر کیوں نہیں گئے۔
اسکول ٹیچر نے عدالت کو بتایا کہ میں گیا تھا لیکن ری جوائننگ نہیں کرائی گئی جبکہ کہا گیا کہ آپ کو پنشن مل رہی ہے اس لیے دوبارہ جوائننگ نہیں ہوسکتی ہے۔
جسٹس قاضی فائز عیسیٰ نے استفسارکیا کہ آپ کی عمر کیا ہے ؟ آپ نے متعلقہ فورم پر درخواست کی پیروی کیوں نہیں کی؟ آپ چاہتے ہیں کہ آپ کی درخواست مسترد کردیں؟ ایسا تو نہیں کہ آپ متعلقہ فورم پر جانا ہی نہیں چاہتے۔
سندھ بھر کے اساتذہ کی بھرتیوں پر مزید کارروائی روکنے کاحکم
محکمہ تعلیم خیبرپختونخوا میں اساتذہ کی ہزاروں آسامیاں خالی ہونے کاانکشاف
عدالت نے محکمانہ انکوائری کے فیصلے کے خلاف درخواست مسترد کرتے ہوئے ضابطے کے تحت معاملہ نمٹانے کا حکم دے دیا۔
یاد رہے کہ رحیم یار خان کے اسکول ٹیچر کو خواتین کو ہراساں کرنے اور موبائل چھیننے کے الزامات پر قبل از وقت ریٹائرڈ کیا گیا تھا۔
