دو گیس فیلڈز سے گیس سپلائی میں کمی کے باعث تمام جنرل انڈسٹریز اور ان کے بجلی پیدا کرنے والے یونٹس کو اڑتالیس گھنٹے کے لیے گیس کی فراہمی معطل کردی ہے۔

ترجمان سوئی سدرن گیس کمپنی کے مطابق 23 ستمبر کی صبح آٹھ بجے سے پیر کی صبح آٹھ بجے تک گیس کی ترسیل بند رہے گی۔

سندھ میں سی این جی اسٹیشن کو 2 دن کیلیے گیس کی فراہمی معطل رہے گی۔

سوئی سدرن گیس کمپنی کے ترجمان کا کہنا ہے کہ گھریلو صارفین کی گیس کی ضروریات کو پورا کیا جائے گا۔

یہ بھی پڑھیں :

پاکستانیوں کیلئے اچھی خبر، رحیم یار خان میں گیس کے بڑے ذخائر دریافت

بجلی کی قیمت میں مزید اضافے کا امکان

کے الیکٹرک سعودی کمپنی کے قابل تجدید توانائی منصوبے میں شراکت دار بننے کی خواہشمند

ترجمان کا کہنا ہے کہ تمام جنرل انڈسٹریز اور ان کے بجلی پیدا کرنے والے یونٹس کو گیس کی فراہمی معطل کرنے کا فیصلہ گھریلو صارفین کی گیس کی ضروریات کو پورا کرنے کے لیے کیا گیا ہے۔