لاہور میں ایک فیملی کے ناشتے کیلئے ڈبل روٹی، انڈے اور بیکری آئٹمز ایک ہزار روپے سے کم میں دستیاب نہیں۔ شہری کہتے ہیں کہ ’مہنگائی نے عوام کیلئے ایک وقت کا کھانا بھی مشکل بنا دیا ہے‘۔

پیٹرولیم مصنوعات کی قیمتیں کیا بڑھیں، ہر شے کی قیمت آسمان پر پہنچ گئی۔

شہری کہتے ہیں سبزی، دالیں اور گوشت تو پہلے ہی خریدنا محال تھا اب بس سے باہر ہوتا جارہا ہے۔

ایک فیملی کیلئے صبح کا ناشتہ ڈبل روٹی انڈے، دودھ اور پاپے لینا انتہائی مشکل ہوگیا ہے۔

شہری کہتے ہیں دودھ، دہی اور بیکری آئٹمز اتنے مہنگے ہیں کہ اب بچوں کی فرمائش ہی پوری نہیں کر پاتے۔

مہنگائی کا یہ عالم ہے کہ انڈے دو سو اسی روپے درجن، بڑی بریڈ دو سو تیس روپے، پاپے دو سو پچیس روپے، جام ساڑھے تین سو روپے، مکھن کی چھوٹی ٹکیہ پچاس روپے، بن ساٹھ روپے اور شیرمال ایک سو دس روپے پر پہنچ گیا ہے۔