ایک انگریزی اخبار ذرائع دعویٰ کیا ہے کہ آئی ایس آئی کے سربراہ لیفٹننٹ جنرل ندیم انجم کی مدت ملازمت میں توسیع کردی گئی ہے۔

اخبار دی نیوز میں صحافی عمر چیمہ کی خبر کے مطابق ندیم انجم کی مدت ملازمت میں توسیع جمعرات 14 ستمبر کو منظور کی گئی۔ ندیم انجم 20 نومبر 2021 کو آئی ایس آئی ڈی جی مقرر ہوئے تھے۔ انہوں نے جنرل فیض حمید کی جگہ لی تھی جنہیں اس وقت کور کمانڈر پشاور مقرر کیا گیا تھا۔

موہڑا شیخاں گوجرخان سے تعلق رکھنے والے ندیم انجم 1988 کو کمیشن لے کر پاک فوج کا حصہ بنے تھے۔ وہ پاکستان فوج کی کور فائیو جسے کراچی کور بھی کہا جاتا ہے کمانڈ کر چکے ہیں۔

انہوں نے برطانیہ سے رائل کالج آف ڈیفنس سے سے گریجویشن اور ہونولولو امریکہ میں ایشیا پیسفک سینٹر فار سیکورٹی اسٹڈیز سے ماسٹرز کی ڈگریاں مکمل کیں۔