کراچی کےعلاقے بفرزون میں اندھی گولی سے جاں بحق ہونے والی بچی کے کیس میں گرفتار ملزم کو پولیس نے عدالت میں پیش کردیا۔
جوڈیشل مجسٹریٹ وسطی نے ملزم کو 4 روزہ جسمانی ریمانڈ پر پولیس کے حوالے کرتے ہوئے آئندہ سماعت پر پیشرفت رپورٹ بھی طلب کرلی ہے۔
فائرنگ کے واقعے کا مقدمہ سرکار کی مدعيت میں تیموریہ تھانے میں درج ہے۔
تفتیشی افسر کا کہنا ہے کہ اسٹریٹ کرمنلز اور سیکیورٹی گارڈ کے مابین مقابلے کے باعث حادثہ پیش آیا۔
مزید کہا کہ سیکیورٹی گارڈ ایک ہوٹل میں ملازمت کرتا تھا۔ بچی کے والد ابھی صدمے میں ہے۔
واضح رہے کہ والدین اپنی بیٹی کو اسکول چھوڑنے جارہے تھے، بچی گاڑی میں پچھلی سیٹ پر بیٹھی تھی، واقعہ صبح ساڑھے سات بجے کے قریب پیش آیا۔
