نگران وزیراعلیٰ سندھ جسٹس (ر) مقبول باقر نے صوبائی وزیر یونس ڈھاگا کا قلمدان تبدیل کردیا، یونس ڈھاگا سے خزانہ اور پلاننگ اینڈ ڈیولپمنٹ کا قلمدان واپس لے لیا گیا۔

نوٹیفکیشن کے مطابق نگران صوبائی وزیر کو ریونیو کے ساتھ انڈسٹریز اور کامرس کے قلمدان سونپ دئے گئے ہیں۔

ذرائع کا کہنا ہے کہ قلمدان کی تبدیلی کا فیصلہ یونس ڈھاگا کی جانب سے سیکریٹریز کے تقرر پر اثرانداز ہونے کی کوشش پر کیا گیا۔ اس حوالے سے یونس ڈھاگا سے رابطے کی کوشش کی گئی تاہم انہوں نے فون وصول نہیں کیا۔