شیخوپورہ میں موٹروے پر خانقاہ ڈوگراں انٹر چینج کے قریب بس الٹ گئی، جس کے نتیجے میں 6 افراد جاں بحق 57 سے زائد زخمی ہوگئے۔

ریسکیو ٹیموں نے موقع پر پہنچ کر لاشوں اور زخمیوں کو اسپتال منتقل کردیا، ریسکیو ذرائع کے مطابق حادثہ تیز رفتاری اور اوورلوڈنگ کی وجہ سے پیش آیا۔

زخمیوں میں متعدد افراد کی حالت تشویشناک بتائی جارہی ہیں، جبکہ حادثے کے بعد بس ڈرائیور موقع سے فرار ہونے میں کامیاب ہوگیا۔