ٹویوٹا نے ”سینچری“ کے نام سے ایک الٹرا لگژری اسپورٹس یوٹیلیٹی وہیکل (ایس یو وی) متعارف کرائی ہے۔
تھرڈ جنریشن ”سینچری“ کو 2018 میں لگژری سیڈان کے طور پر متعارف کرایا گیا تھا۔
رپورٹس کے مطابق، سیڈان ”سینچری“ بھی ایس یو وی کے ساتھ دستیاب رہے گی۔
ٹویوٹا کی نئی ”سینچری“ میں ”ٹویوٹا نیو گلوبل آرکیٹیکچر“ (TNGA) کا استعمال کیا گیا ہے تاکہ سواری کے آرام کو بڑھایا جا سکے۔
اس میں لگیج کمپارٹمنٹ کا ایک الگ اسٹرکچر بھی دیا گیا ہے۔
کمپنی کا کہنا ہے کہ ’شور کو کم کرنے والا شفاف لیمینیٹڈ گلاس کارگو اسپیس سیپریٹر کے کیبن سائیڈ پر استعمال کیا گیا ہے تاکہ کیبن کو کارگو ایریا سے صحیح طریقے سے الگ کیا جا سکے اور ڈرائیور سے رازداری اور حیران کن خاموشی حاصل کی جا سکے۔‘
مذکورہSUV کا ڈیزائن ”رولز رائس کلینن“ کی طرح چوکور سا ہے۔
اس کی فرنٹ گرل، ٹیل گیٹ پر لکھا، اور باریک فینکس کلاسک سینچری سیڈان کا ایک نمونہ ہیں۔
اس کے اگلے نچلے ایپرن میں تین بڑے ائر انٹیکس دیے گئے ہیں اور ہر کلسٹر میں دو روشنیوں کے ساتھ سپلٹ ہیڈ لیمپ دیا گیا ہے، جو ایک مخصوص طریقے سے ٹیل لائٹ ڈیزائن کے ساتھ جگمگاتے پہیں۔
اس کے اسٹینڈرڈ ٹائرز 20 انچ کے ہیں، جبکہ 22 انچ والے بھی دستیاب ہیں۔
صارفین اپنی سنچری SUV کو اپنی پسند کے مطابق بھی بنوا سکتے ہیں۔
ٹویوٹا کے چیف برانڈنگ آفیسر اور ڈیزائن کے سربراہ سائمن ہمفریز کا کہنا ہے کہ خریدار اپنی مرضی کے مطابق ڈیزائن منتخب کر سکتے ہیں۔ جس کے امکانات لامتناہی اور بحث کے لیے کھلے ہیں۔
سینچری ایس یو وی کا اندرونی حصہ اس کا شو پیس ہے، جس کے دروازے وسیع 75 ڈگری زاویہ اور خودکار پیچھے ہٹنے کے قابل سائیڈ اسٹیپس کے ساتھ کھلتے ہیں۔
سی ستونوں میں آسان داخلے اور باہر نکلنے کے لیے ہینڈلز نصب ہیں۔
انفرادیت کے لیے، سینچری SUVs میں موٹرائزڈ سلائیڈنگ بیک ڈور بھی ہو سکتے ہیں۔
سینچری سیڈان میں پانچ سیٹس ہیں، جب کہ SUV میں چار سیٹس ہیں، جن میں ایک بڑے پینورامک شیشے کی چھت اور پیچھے سیٹس ہیں، جنہیں ایک بڑے سینٹر کنسول سے الگ کیا گیا ہے۔
سامنے والے مسافر کے پیچھے والی سیٹ ہوائی جہاز جیسے تجربے کے لیے پوری طرح لٹائی جا سکتی ہے، اور یہاں ایک ریفریجریٹر، کافی اسٹاک، روشنی، اور ٹچ اسکرین ڈسپلے موجود ہیں۔
ٹویوٹا کی سنچری ایس یو وی کا فرنٹ کاک پٹ ’فنکشنز اور فیچرز سے لیس ہے جو پیشہ ور ڈرائیوروں کی مدد کرتے ہیں اور استعمال میں آسانی کو بڑھاتے ہیں۔‘
مینیوز سے بچنے کے لیے کلائمیٹ سسٹم، سیٹس، اور دیگر فنکشنز سمیت ہر چیز کو بڑی ٹچ اسکرین میں گھسانے کے بجائے بہت سارے فزیکل بٹن دیے گئے ہیں۔
سینچری ایس یو وی میں ہائبرڈائزڈ اور ٹوئن ٹربو چارجڈ 3.5 لیٹر V6 پیٹرول انجن ہے۔
جس کی پلگ ان ہائبرڈ پاور ٹرین 406 ہارس پاور پیدا کرتی ہے۔
اس میں ایک E-CVT اور الیکٹرک موٹر کے ساتھ ساتھ E-Four آل وہیل ڈرائیو ہے جس کے پچھلے ایکسل پر الیکٹرک موٹر ہے۔
ڈرائیونگ کی دیگر خصوصیات میں ڈائنامک ریئر اسٹیئرنگ (پچھلے پہیے کا اسٹیئرنگ) اور پیچھے کا کمفرٹ موڈ شامل ہے جو ڈرائیور کو گیئرز کو روکنے یا شفٹ کرتے وقت جھٹکے کو کم کرنے اور گاڑی کو کنٹرول کرنے میں مدد کرتا ہے۔
سینچری ایس یو وی کی جاپان میں قیمت 25 ملین ین (تقریباً 10 کروڑ 70 لاکھ پاکستانی روپے سے زیادہ) ہے۔
اس قیمت کے ساتھ یہ ممکنہ طور پر مرسڈیز بینز GLE، BMW X7، اور Audi Q8 کا مقابلہ کرے گی، اس حقیقت کے باوجود کہ یہ کافی حد تک Rolls Royce Cullinan سے ملتی جلتی ہے۔
