بجلی کی قیمتوں کے سنگین مسئلے کے حل کے لیے کراچی کے تاجروں نے چیف آف آرمی اسٹاف جنرل عاصم منیر سے مدد مانگ لی، تاجروں نے پلان بی کے تحت گورنر ہاؤس پر احتجاج کا اعلان کردیا۔

انجمن تاجران سندھ کراچی ڈویژن کے تحت ”روزگار بچاؤ تحریک“ کے عنوان سے منقعدہ اجلاس میں تاجروں نے احتجاج کا فیصلہ کیا۔

مزید پڑھیں: آرمی چیف نے سیاسی جماعتوں کے مخلص نہ ہونے کی بات نہیں کی، عقیل کریم ڈھیڈی

تاجر رہنما رضوان عرفان اور عتیق میر کا کہنا تھا کہ جمعہ کو لیاقت آباد 10 نمبر پر احتجاج کیا جائے گا جبکہ دوسرا احتجاج گورنر ہاؤس پر کریں گے، جس کی تاریخ کا اعلان مشاورت سے کریں گے۔

مزید پڑھیں: نیٹ میٹرنگ پالیسی ختم ہوئی تو سولر پینلز کی فروخت متاثر ہوگی، ماہرین

تاجروں نے آرمی چیف سے بجلی کی قیمتوں پر ایکشن کا مطالبہ کرتے ہوئے کہا کہ تاجر اورعوام کی پریشانیوں کی وجہ حکمرانوں کی غلط پالیسیز ہیں، جب تک بجلی کی قیمتوں سمیت دیگرمسائل حل نہیں ہوتے چین سے نہیں بیٹھیں گے۔