کراچی کے علاقے گلستان جوہر میں پانچ سالہ راہگیر بچی ڈاکوؤں اور شہری کے درمیان ہوئی فائرنگ کی زد میں آکر زخمی ہوگئی۔
پولیس کے مطابق احسن نامی شہری نے ڈاکوؤں کو لوٹ مار کرتے دیکھا تو فائرنگ کردی، ڈاکو جوابی فائرنگ کرتے ہوئے فرار ہوگئے۔
ڈاکوؤں کی فائرنگ سے انعم نامی پانچ سالہ بچی زخمی ہوئی جسے جناح اسپتال منتقل کردیا گیا۔
پولیس کے مطابق بچی کے کندے پر ایک گولی لگی ہے لیکن حالت خطرے سے باہر ہے۔
پولیس کا کہنا ہے کہ واقعے کی تحقیقات جاری ہیں۔
