الیکشن کمیشن نے عام انتخابات کی کوریج کیلئے غیر ملکی مبصرین اور بین الاقوامی میڈیا کو مدعو کرنے کا فیصلہ کرلیا، جن کے لیے ضابطہ اخلاق بھی تیار کرلیا گیا ہے۔
ذرائع کا کہنا ہے الیکشن کمیشن نے انتخابی شیڈول جاری کرتے ہی غیرملکی مبصرین کو دعوت نامے بھجوانے کا فیصلہ کیا ہے۔
گزشتہ عام انتخابات میں بھی انتخابات کا شیڈول جاری کرکے دعوت نامے بھجوائے گئے تھے۔
یر ملکی مبصرین کے لیے خصوصی سیکیورٹی فیچرز والے کارڈز بھی تیار کیے جائیں گے۔
ذرائع الیکشن کمیشن کے مطابق غیر ملکی مبصرین و میڈیا کو پولنگ اسٹیشن کے اندر تک رسائی دی جائے گی۔
غیر ملکی مبصرین ووٹوں کی گنتی کا شفاف عمل اور رزلٹ کی تیاری کا جائزہ بھی لے سکیں گے۔
