سرگودھا میں سول جج کی اہلیہ کے ہاتھوں بہیمانہ تشدد کا نشانہ بننے والی گھریلو ملازمہ رضوانہ کی ری کنسٹرکٹو سرجری آخری مراحل میں داخل ہوگئی، سر کی سکن گرافٹنگ کے بعد سیشن ختم ہو جائیں گے۔
رضوانہ لاہور کے جنرل اسپتال میں زیر علاج ہے۔
سربراہ پلاسٹک سرجنز ٹیم ڈاکٹر رومانہ کے مطابق رضوانہ کی حالت پہلے سے بہت بہتر ہے۔ بچی کی ری کنسٹرکٹو سرجری اب ختم ہونے والی ہے۔ سر کے زخم کا سیشن آخری ہوگا جو دو مراحل میں مکمل کیا جائے گا۔
ڈاکٹر کے مطابق پہلا سیشن بچی کے سر کے زخم کے معائنے کے بعد پیر یا منگل کو ہوگا جبکہ دوسرا سیشن کچھ روز کے وقفے کے بعد ہوگا۔
رضوانہ کے کمر کی سکن گرافٹنگ کامیاب ہوئی جسکی وجہ سے بچی کو اب بیٹھنے کی اجازت دے دی گئی ہے تاہم پلاسٹک سرجنز کی ٹیم پیر کو رضوانہ کی امیونٹی لیول دیکھ کر سرجری کا فیصلہ کرے گی۔
