کراچی کےعلاقے گلشن اقبال میں تیز رفتار گاڑی نے سڑک کنارے کھڑی فیملی کو کچل دیا، حادثے کا مقدمہ درج کرلیا لیکن پولیس تاحال گاڑی اور اس کے مالک ڈھونڈ نہیں سکی۔

حادثے کے بعد ڈرائیور فرار ہونے میں کامیاب ہوگیا اور موقع پرموجود افراد نے گاڑی کو روکنے کی بھی کوشش کی تھی۔

حکام کا کہنا ہے کہ پولیس نے متاثرہ شہری کی مدعیت میں مقدمہ درج کرلیا، جس میں غفلت، لاپروائی اور تیز رفتاری کی دفعات شامل کی گئی ہیں۔

مقدمہ زخمی سجاد حسین کی مدعیت میں تھانہ گلشن اقبال میں درج کیا گیا ہے اور مدعی نے کہا کہ اپنی بہن، دو بیٹیوں ایک بھانجی کو اتوار بازار لایا تھا۔

مدعی نے کہا کہ واقعہ کے بعد بے ہوش ہوگیا، ہوش آیا تو اسپتال میں تھا۔ پولیس کا کہنا ہے کہ زخمی تمام افراد نجی اسپتال میں زیر علاج ہیں۔