رحیم یار خان میں گٹر میں گر کر کمسن بہن بھائی جاں بحق ہوگئے۔
ریسکیو ذرائع کا کہنا ہے کہ بچوں کا گٹر میں گرنے کا واقعہ رحیم یار خان کے علاقے لیاقت پور کی شمس کالونی میں پیش آیا جب کہ جاں بحق بچوں کی عمریں 8 اور 10سال تھی۔
اسی ضمن میں لواحقین کا کہنا ہے کہ بچے گلی میں کھیل رہے تھے کہ اس دوران گٹر میں جا گرے۔
دوسری جانب پشاور کے مختلف علاقوں میں بھی کھلے مین ہولز شہریوں کے لیے وبال جان بن گئے۔
رپورٹس میں بتایا گیا کہ پشاور میں ایک لاکھ سے زائد مین ہولز ہیں، منشیات کے عادی چور سمیت کئی لوگ گٹروں کے ڈھکن چوری کرکے انہیں کباڑیوں پر فروخت کر دیتے ہیں۔
یہ بھی پڑھیں:
اس حوالے سے انتظامیہ نے کہا کہ گٹر کے ڈھکن چوری میں ملوث افراد کو گرفتار کیا گیا ہے، گرفتار ملزمان بڑے مین ہولز کے ڈھکن 20 ہزار اور چھوٹے مین ہولز کے ڈھکن 8 ہزار روپے میں فروخت کرتے ہیں۔
