اسلام آباد: توشہ خانہ کیس میں نیب نے سابق خاتون اول بشریٰ بی بی کو آج طلب کرلیا۔
بشریٰ بی بی کو نیب کی جانب سے نوٹس بھیجا گیا جس میں گہا گیا کہ سابق خاتون اول آج صبح 11 بجے نیب کے سامنے ہوں۔
نوٹس کے مطابق عمران خان کی اہلیہ بشریٰ بی بی کو جوائنٹ انویسٹی گیشن ٹیم کے سامنےپیش ہونے اور کیس سے متعلق دستاویزات ہمراہ لانے کی ہدایت کی گئی ہے۔
واضح رہے کہ اس سے قبل بشریٰ بی بی نے توشہ خانہ کے تحائف کی جعلی رسید کے خلاف تحقیقات میں مشترکہ تحقیقاتی ٹیم (جے آئی ٹی) کے سوالات کے جوابات دیئے تھے۔
