اسلام آباد: نگراں حکومت اور عالمی مالیاتی فنڈ (آئی ایم ایف) کے درمیان آج پھر ورچئل مذاکرات ہوں گے۔
ذرائع کے مطابق حکومت اور آئی ایم ایف ریونیو کی کارکردگی پر ورچوئل مذاکرات اسٹینڈ بائی ارینجمنٹ کا حصہ ہیں جس میں فیڈرل بورڈ آف ریونیو (ایف بی آر) حکام آئی ایم ایف ٹیم کوجولائی اوراگست کی آمدنی پربریفنگ دیں گے۔
ذرائع کا کہنا ہے کہ ایف بی آر نے جولائی 2023 کے لئے ریونیو کے ہدف سے 4 ارب روپے اضافی اکٹھے کیے ہیں جب کہ رواں ماہ کے لئے متوقع ہدف 434 ارب روپے تھا۔
ذرائع نے بتایا کہ محصولات کی وصولی میں اضافے کا بنیادی سبب پیٹرولیم مصنوعات کی قیمتوں میں اضافہ ہے اور ریکارڈ مہنگائی کی وجہ سے زیادہ سے زیادہ آمدنی حاصل کر رہے ہیں۔
