اداکارہ مومنہ اقبال نے کیمرے کا سامنا کرنے کے اپنے پہلے تجربے کو یاد کیا جب وہ اپنے پہلے ڈرامے کی شوٹنگ کے دوران سب بھول گئی تھیں۔
اداکارہ مومنہ اقبال نے ایک نجی ٹی وی کے شو میں شرکت کی جہاں اداکارہ نے میزبان کو اپنے شوٹنگ کے پہلے دن کے حوالے سے بتایا۔
انہوں نے انکشاف کیا کہ وہ اپنے پہلے ٹیک کے لئے بہت پر جوش تھیں اور انہوں نے میک اپ وغیرہ بھی کیا ہوا تھا، لیکن جیسے ہی سامنے کیمرہ آیا، وہ سب بھول گئیں اور ایک لفظ بھی نہ بول سکیں۔
اداکارہ نے اس لمحے کو یاد کرتے ہوئے کہا کہ میرا چہراسرخ ہوگیا تھا اور میں اپنی ایک لائن بھی نہیں کہہ پائی تھی، تو انہوں نے مجھے کہا کہ جا کر اپنا چہرہ دھوئیں، پھر میں نے جا کر اپنا چہرہ ٹھنڈے پانی سے دھویا اور تھوڑا سا آرام کیا۔
مومنہ اقبال نے انکشاف کیا کہ وہ اس کے بعد بھی سین مکمل نہیں کر پا رہی تھیں، لیکن نادیہ افگن نے صورتحال کو سنبھالا دیا۔
خیال رہے کہ اداکارہ مومنہ اقبال اس وقت ”احسان فراموش“ میں فلک کا کردار نبھا رہی ہیں، جہاں وہ بہترین اداکاری کے باعث تعریفیں سمیٹ رہی ہیں۔
