بالی ووڈ کے معروف فلمساز کرن جوہر نے اداکار سیف علی خان کے صاحبزادے ابراہیم کی ڈیبیو بالی ووڈ فلم ’سرزمین‘میں سپراسٹار کاجول کو بھی شامل کرلیا۔

بھارتی میڈیا کے مطابق نئی فلم میں بالی وڈ سپر اسٹار کاجول بھی شامل کرلی گئی ہیں جبکہ فلم میں ابراہیم کے مدمقابل کوئی اداکارہ نہیں ہوگی۔

بھارتی میڈیا کے مطابق کاجول فلم میں ایک اہم کردار ادا کریں گی اور ان کی شمولیت سے یہ توقع کی جارہی ہے کہ ’سرزمین‘ کی کہانی کو نئی گہرائی ملے گی۔

ابراہیم علی خان کی بہن اداکارہ سارہ نے کچھ عرصہ قبل ہی اپنے بھائی کے شوبز کیریئر کے ڈیبیو کا انکشاف کرتے ہوئے بتایا کہ ابراہیم اپنی پہلی فلم کی شوٹنگ مکمل کرچکا ہے۔

فلم کی شوٹنگ حال ہی میں ختم ہوئی ہے جسے معروف اداکار بومن ایرانی کے بیٹے کیوزے ایرانی بنارہے ہیں تاہم فلم کی ریلیز سے متعلق کوئی تفصیل جاری نہیں کی گئی ہیں ۔