کراچی کی انسداد دہشت گردی عدالت نے پاکستان تحریک انصاف کے رہنما فردوس شمیم نقوی سمیت 2 ملزمان کی ضمانت منظور کرلی جبکہ 17 ملزمان کی درخواست پر فیصلہ مؤخر کردیا۔
انسداد دہشت گردی عدالت میں 9 مئی واقعے کے مقدمات سے متعلق پی ٹی آئی کے رہنماؤں کی درخواست ضمانت پر سماعت ہوئی۔
جلاؤ گھیراؤ کیس: فردوس شمیم نقوی کو پیش نہ کرنے پر عدالت پولس پربرہم
مجھے کینسر ہے سیل کیسے توڑ سکتا ہوں، فردوس شمیم نقوی کیوضاحت
عدالت نے فردوس شمیم نقوی سمیت 2 ملزمان کی درخواست ضمانت منظور کرتے ہوئے ایک ایک لاکھ روپے کے مچلکے جمع کرانے کا حکم دے دیا۔
انسداد دہشت گردی عدالت نے دیگر ملزمان کی درخواست ضمانت پر اعتراض کردیا۔
عدالت نے کہا کہ ایک ملزم کی 2،2 درخواستیں دائر ہیں، درخواستوں کا مسئلہ پہلے حل کریں پھر ضمانت کا فیصلہ ہوگا۔
بعدازاں عدالت نے17ملزمان کی درخواست ضمانت پر فیصلہ مؤخر کردیا۔
فردوس شمیم نقوی کی ایک کیس میں ضمانت منظور ہوئی ہے جبکہ 2 کیسز میں ضمانت ہونا باقی ہے اس لیے ان کی ضمانت تاحال نہیں ہوسکی۔
