رینجرزاورپولیس نے کراچی کے علاقے اورنگی ٹاؤن میں کارروائی کرتے ہوئے سائٹ ایریا میں پٹرول پمپ کے کیشئر سے 80 لاکھ روپے چھینے والے دو ملزمان کو گرفتار کرلیا۔
ترجمان رینجرزسندھ کے مطابق ملزمان میں احسان اللہ اور ظاہر شاہ شامل ہیں جن کی گرفتاری اورنگی ٹاؤن سے عمل میں لائی گئی جبکہ ملزمان ہائی پروفائل ڈکیت اور متعدد وارداتوں میں ملوث ہیں۔
مزید پڑھیں : کراچی: ڈکیتی کی 2 بڑی وارداتیں، ملزمان لاکھوں لوٹ کر فرار
ترجمان کا کہنا ہے کہ ملزمان مختلف علاقوں سے400 سے زائد موبائل فونز چھین چکے ہیں،ملزمان نے 50 سے زائد موٹرسائیکلیں اور 3 کروڑ روپے سے زائد نقدی لوٹنے کا اعتراف کیا ہےٓ۔
واضح رہے کہ کیشیرسے رقم چھیننے کا مقدمہ سائٹ اے تھانے میں پٹرول پمپ کے مالک کی مدعیت میں درج کیا تھا۔
