کراچی میں الآصف اسکوائر کے قریب بھکرگوٹھ میں ڈبل کیبن گاڑی پر فائرنگ سے جوان سال لڑکا اور لڑکی جاں بحق ہوگئے۔
پولیس حکام کے مطابق واقعہ غیرت کے نام پر پیش آیا۔ قتل کیے جانے والوں کی شناخت لاریب اور احسن وقار کے نام سے ہوئی ہے۔
ابتدائی تحقیقات کے مطابق لڑکی کے والد اور بھائی نے ڈبل کیبن گاڑی پر فائرنگ کی۔
لڑکی کے والد کا نام ڈاکٹررفیق شیخ ہے۔نوجوان 17سالہ لاریب کو گھرچھوڑنے آیا تھا جس کی شناخت گلشن اقبال کے رہائشی حسن کے نام سے ہوئی ہے۔
پولیس کا کہنا ہے کہ دونوں گاڑی میں ہی بیٹھے باتیں کررہے تھے جب ڈاکٹر نے آکر فائرنگ کردی اور دونوں چل بسے۔
مقتولہ لڑکی کا گھرجائے وقوعہ کے قریب ہی ہے۔
پولیس کے مطابق فائرنگ کرنیوالےڈاکٹررفیق اوربیٹےعبداللہ کوحراست میں لے لیا گیا ہے۔ ابتدائی بیان میں لڑکی کے والد کا کہنا ہے کہ گاڑی میں موجود نوجوان نےمجھ پرفائرنگ کی۔
پولیس کے مطابق لاریب اور احسن گاڑی میں بیٹھے گپ شپ کر رہے تھے جب انہیں نشانہ بنایا گیا جس کے بعد ڈاکٹررفیق اور ان کا بیٹا لاریب کی لاش اپنے گھرلے گئے جبکہ احسن کی لاش کو گاڑی میں چھوڑ دیا گیا۔
پولیس کا کہنا ہے کہ جائے وقوعہ سے برآمد ہونے والا شناختی کارڈ حسن کے بھائی احسن کا ہے۔
پولیس نے جائے وقوعہ سے 2 ہتھیار برآمد کیے تاہم اس بات کی تصدیق لائسنس دیکھنے کے بعدکی جائے گی کہ حسن کے پاس بھی اسلحہ تھا یا نہیں۔
قتل کی جگہ سے کم از کم پانچ گولیوں کے خول ملے ہیں۔
پولیس نے آلہ قتل بھی برآمد کرلیا ہے، واقعے کی مزید تحقیقات جاری ہیں۔
