ہلیری نامی سمندری طوفان امریکا سے ٹکرا گیا جس کے نتیجے میں ہزاروں افراد متاثر جب کئی گاڑیاں سیلابی ریلے میں بہہ گئیں۔
سمندری طوفان ہلیری نے کیلیفورنیا میں تباہی مچادی، شدید بارشوں، سیلاب اور لینڈ سلائیڈنگ سے شاہراہیں بند ہوگئیں جب کہ کئی گاڑیاں سیلابی ریلے میں بہنے کے علاوہ کئی مٹی اور کیچڑ میں پھنس گئی ہیں۔
رپورٹس میں بتایا گیا ہے کہ سمندری طوفان سے تقریباً 1 کروڑ 70 لاکھ سے زائد شہری متاثر ہوئے ہیں، اس کے علاوہ ہزاروں پروازیں منسوخ اور تاخیر کا شکار ہوچکی ہیں۔
حکام کے مطابق سمندری طوفان ہلیری کے باعث لاس اینجلس، لاس ویگاس اور شمال مغربی علاقے زیادہ متاثر ہوئے تاہم کسی ہلاکت یا زخمی ہونے کی اطلاع نہیں ملی۔
دوسری جانب سمندری طوفان امریکی ریاست ہلیری ٹیکساس کے ساحلی علاقوں سے بھی ٹکرا گیا ہے جس سے موسلادھار بارش کا سلسلہ جاری ہے۔
امریکی محکمہ موسمیات کا کہنا ہے کہ ٹیکساس میں آج پورا دن بارش رہے گی جب کہ نشیبی علاقوں میں سیلابی صورتحال کا سامنا کرنا پڑ سکتا ہے۔
