بالی ووڈ سپراسٹار سلمان خان کے نئے لُک نے ان کے مداحوں کو حیران کردیا ہے، اداکار اپنی نئی فلم ”ٹائیگر 3“ میں ”گنجے“ نظر آئیں گے۔
سوشل میڈیا پر ایک ویڈیو وائرل ہورہی ہے جس میں فلم ”باڈی گارڈ“ کے مرکزی کردار کو ایک انوکھے اور نئے لُک میں دکھایا گیا ہے۔
سلمان خان کو بالی ووڈ کا اسٹائل آئیکون کہا جاتا ہے، کہا یہ جارہا ہے کہ یہ نیا لُک سلمان خان نے کرن جوہر اور وشنو وردھن کی ڈائریکشن میں بننے والی فلم کیلئے اپنایا ہے۔
ویڈیو میں اداکار کواس نئے لُک کے ساتھ سیاہ لباس میں رات کے وقت اپنی گاڑی سے باہر آتے ہوئے دیکھا جاسکتا ہے۔
’راکھی نے جال میں پھنسایا، سابق شوہرعادل درانی نے نیا پینڈورا باکس کھول دیا
شہزادی ڈیانا اور میگھن مارکل کی زندگی میں مماثلت
دوران پرواز ائر ہوسٹس سے بے تکلف ہونے والا مسافر گرفتار
خیال رہے کہ سلمان خان 90 کی دہائی ہی سے بالی ووڈ کے مشہور اسٹار ہیں، یہی وجہ ہے کہ سلمان خان کا اسٹار ڈم تین دہائیوں سے زیادہ کے بعد بھی کم نہیں ہوا۔
ان کے چاہنے والے ان کا ہر اسٹائل کاپی کرتے ہیں، خواہ وہ پہننے اوڑھنے کا انداز ہو یا ہئیر اسٹائل، سب ہی ان کی تقلید کرتے ہیں۔
جیسا کہ فلم ”دبنگ“ کے بعد چشموں کو قمیض کے کالرپر رکھنے کا اسٹائل بہت مقبول ہوا تھا۔
اب سلمان خان کی یہ نئی فلم نومبر 2023 میں دیوالی کے موقع پرریلیز ہوگی۔
